Udako tertuliak
Azken urteetan bizitzak eskaintzen dizkizun plazer xehe horietako batetaz gozatzen ikasi dut. Gure etxean beti egon da tertuliak egiteko ohitura, batez ere eguraldiak laguntzen duenean. Aita eta amaren baserria “zentro neuralgiko” gisa hartuta, seme-alabak, sui eta errainak, koinatu eta koinatak eta lagunak intsektuak argira bezala hurbiltzen gara arratsalde-pasa. Ahulkia hartu eta tertuliano amateurren multzora gehitzen gara, udako egun sargoritsuak gerizpe fresko eta konpainia ederrean pasatzera. Denetik hitz egiten da bertan: herriko kontuez, ditxosozko krisiaz, eguraldiaz (nola ez!), politikaz, kirolaz, konfirmatutako zein konfirmatu gabeko txutxumutxuez,…
Erredakzio ederra osatzen dugu, bai horixe.
Burokrazioarekin egin dugu topo
Azken aldian administrazio burokrazia zentzugabekoarekin egiten ari naiz topo. Eta krixton burukomina daukat.
- Haga el favor de poner atención en la primera cláusula porque es muy importante. Dice que… la parte contratante de la primera parte será considerada como la parte contratante de la primera parte. ¿Qué tal, está muy bien, eh?
- No, eso no está bien. Quisiera volver a oírlo.
- Dice que… la parte contratante de la primera parte será considerada como la parte contratante de la primera parte.
- Esta vez creo que suena mejor.
- Si quiere se lo leo otra vez.
- Tan solo la primera parte.
- ¿Sobre la parte contratante de la primera parte?
- No, solo la parte de la parte contratante de la primera parte.
- Oiga, ¿por qué hemos de pelearnos por una tontería como ésta? La cortamos.
- Sí, es demasiado largo. ¿Qué es lo que nos queda ahora?
- Dice ahora… la parte contratante de la segunda parte será considerada como la parte contratante de la segunda parte.
- Eso si que no me gusta nada. Nunca segundas partes fueron buenas. Escuche: ¿por qué no hacemos que la primera parte de la segunda parte contratante sea la segunda parte de la primera parte?
Marx anaiak
Prométeme
Prométe. Emir Kusturica. 2007.
Egia esan, pelikulaz ezer jakin gabe sartu nintzen zinemara. Koadrilakoei tokatzen zitzaien aukeratzea eta beraz, men egin behar. Eta egia esan, ez nintzen damutu, ez horixe, izan ere, pelikula honek ez zaitu epel uzten.
Horrela laburtu genezake filma: Tsane gaztea bere aitonarekin eta beraien behia, Cvetka-rekin bizi dira, mendi puntan. Beraiez gain, herrixkan irakaslea bakarrik bizi da. Egun batean, Tsaneren aitonak hilzorian dagoela esan eta zin arazi egiten dio gertuen dagoen hirira joango dela eta behia saldu, elizarentzat erlijio ikono bat erosi, berak benetan nahi duen zerbait ekarri eta emaztegaia topatuko duela.
Egoera surrealistak, komikietatik ateratako pertsonaiak eta umore zakarra nahasten dira pelikulan. Barrea, harridura eta batzuetan halako nazka ere sentitzen duzu. Niri batean baino gehiagotan “El milagro de P. Tinto” filma gogora arazi dit.
Momenturik onenak: pelikula guztian zehar hegan dabilen zirkoko tipoa eta mafiosoak indiolarrekin duen harremana.
Zapping
July 11, 2008, 10:30 am
Filed under:
telebista Garai batean
pertsonak euren iritziengatik
epaitzen genituen;
gaur, pertsonak,
telebista-kate guztiak
aztertu ondoren
aukeratzen duten programaren
arabera bereizten dira.
-
(Pako Aristi. Gauza txikien liburua. 2004. Erein)
Buruhaundiak
-
Edozein herrietako festetan bada ekitaldi bat inoiz hutsik egiten ez duena. Buruhaundiak kalera ateratzen direnerako, dozenaka haur daude zain, beldurra eta gozamenaren nahasketak sortarazten duen adrenalina biltegiak beteta. Niri gertatzen zitzaidan bezala; berdin-berdin.
-
(Argazkia: “Enkarterriko berbalagunak” bloga)
Nola bihurtu zure seme-alaba gaizkile batean
Adin txikiko epailea den Emilio Calatayud-ek “Reflexiones de un juez de menores” liburua argitaratu du. Hona hemen bertan agertzen den dekalogoa ; oso ona!
1:Hasi txikitatik zure seme/alabari eskatzen duen guztia ematen. Era honetan mundua berea dela sinistuko du.
2: Ez kezkatu bere heziketa etiko edo espiritualagatik. Adin nagusitasuna lortu arte itxaron.
3: Biraoak esaten dituenean, barre egin. Honek gauza dibertigarriagoak egitera animatuko du.
4: Ez egin errietarik edota ez esan zerbait gaizki egiten duenik. Erruduntasun konplexua sortu diezaiokezu.
5: Berak botata uzten duen guztia jaso: liburuak, erropa, jostailuak. Era honetan erantzunkizuna beste baten gainean uzten ikasiko du.
6: Utzi edozer gauza irakurtzen. Bere platerak, mahai-tresnak eta edalontziak ongi garbitu, baina trankil egon bere burua zaborrez betetzen badu.
7: Zure bikotearekin bera aurrean dela errieta asko egin; era honetan familia apurtzen denean ez du hainbeste sufrituko.
8: Gastatu nahi duen diru guztia eman. Era honetan ez du pentsatuko lortzeko lana egin behar denik.
9: Bere nahi guztiak bete. Sakrifizioak eta soiltasunak frustrazioa ekar dakioke.
10: Irakasle, bizilagun edo beste edozeinekin arazoak dituenean beti bere alde jarri. Guztiek zure seme-alaba izorratu nahi dutela pentsa ezazu.
Apostua
Euskaldunak apostuzale amorratuen fama daukagu, baina gaur topatu dudan honetan ez dakit askok parte hartuko genukeen.
Badakizue Amy Whinehouse azken aldian musikagatik baino bere bizitza pribatuagatik dela albiste. Beno, ba web gune batetik egiten den galdera hauxe da: Noiz hilko da Amy? Partehartzaileek egun eta ordu bat aukeratu behar dute, eta irabazleak iPod Touch bat jasoko du etxean.
