Adin txikiko epailea den Emilio Calatayud-ek “Reflexiones de un juez de menores” liburua argitaratu du. Hona hemen bertan agertzen den dekalogoa ; oso ona!
Euskaldunak apostuzale amorratuen fama daukagu, baina gaur topatu dudan honetan ez dakit askok parte hartuko genukeen.
Badakizue Amy Whinehouse azken aldian musikagatik baino bere bizitza pribatuagatik dela albiste. Beno, ba web gune batetik egiten den galdera hauxe da: Noiz hilko da Amy? Partehartzaileek egun eta ordu bat aukeratu behar dute, eta irabazleak iPod Touch bat jasoko du etxean.
Filed under: gaur zer
Albiste polita ostiralerako: “Toscanan “unikornio” bat topatu dute“.
Egia esan, gasolioaren prezioa, ekonomiaren desazelerazioa, euriborraren etengabeko igoera eta eurokoparen artean, horrelako albiste “magikoarekin” topatzea eskertzen da.
Argazkia EFE
Botchan, Natsume Soseki (Impedimenta argitaletxea).
Japoniar literatura modernoko klasiko bat da, eta herrialde honetan azken 100 urteetako liburu arrakastatsuenetako bat ere. Huckleberry Finn japoniarra bezala definitu eta The Catcher in the Rye-rekin alderatu dute.
Liburu honetan Botchan izeneko gazte tokiotarraren abenturak kontatzen dira, hiriburutik urruti dagoen eskola batera irakasle lanak egitera bidaltzen dutenean. Bertan pertsonai bereziekin egingo du topo; “Camisarroja” ikasketa burua edota “Calabaza” zientzia irakaslea edota bizitza zailtzen saiatuko diren ikasle basati xamarrekin.
Entretenigarria eta desberdina; beste ikusmolde bat.
Filed under: musika
Saiatu gara baina ezinezkoa izan da. Datorren uztailaren 12an ezingo dugu Tom Waits-en kontzertura joan Kursaalera. MP3arekin konformatu beharko dugu…
Ekaina hilabete madarikatua da ikasleentzat. Udako oporrez, parrandez eta lagunez gotzatu aurretik gainditu behar den azken oztopoa izaten dira azterketak. Ikasle sasoia atzean utzi badut ere, oraindik bizirik ditut azterketa garaietako hainbat gogorapen. Niretzat ekaina, azterketak eta Roland Garros batera zijoazten.
Ikasle orok atzeratzen dugu ahal bezainbat ikasteko ordua. Batzuk gelaren txukunketarekin hasten dira buru-belarri; beste batzuk kafea egitera altxatzen dira ordu erdiro, eta nik, ba nik Roland Garroseko partiduak ikusten nituen gaitegi eta gaitegi artean.
Insitutu garaitik nago engantxatuta torneo honetara. Eta orain, nahiz eta azterketarik ez eduki, partiduak ikustean faltan botatzen dut apunteak magalean ez edukitzea.
